Աֆղանստանում ՆԱՏՕ- ի խոշորագույն ռազմակայանում պայթյուն է տեղի ունեցել, կան զոհեր եւ վիրավորներ։
«Մենք կարող ենք հաստատել, որ այս առավոտ տեղական ժամանակով 5։30- ից հետո Բագրամի ռազմական օդանավակայանում պայթյուն է որոտացել։ Կան տուժածներ։ Մեր բժիշկներն ու անվտանգության ծառայությունները արձագանքում են իրավիճակին»,- ասված է ՆԱՏՕ- ի ներկայացուցիչների տարածած հայտարարության մեջ։
Տեղի իշխանությունների տվյալներով՝ զոհվել է առնվազն 3 մարդ, 13- ը վիրավորվել է, պայթյունը տեղի է ունեցել ճաշարանի մոտ՝ հայտնում է «Ռոյթերը»։
