Խորենացի փողոցում տեղի ունեցած բախումների արդյունքում երեկ ժամը 11-ի շրջանում Էրեբունի բժշկական կենտրոն է տեղափոխվել 20 տուժած, որից 16-ը ոստիկաններ են , 4-ը՝ քաղաքացիական անձինք: Թեթև և միջին ծանրության վնասվածքներով տուժածները տարբեր բաժանմունքներ են տեղափոխվել: Վերակենդանացման բաժանմունքում համապատասխան բուժօգնություն է ստանում 6հոգի, որի 4-ը՝ ոստիկան, 2-ը՝ քաղաքացիական անձ: Առավոտյան արդեն 3 հոգի բավարար վիճակով դուրս են գրվել, մյուսների բուժումը շարունակվում է: Իսկ առավոտյան ժամը 7-ի շրջանում ևս երկու տուժած է տեղափոխվել Էրեբունի հիվանդանոցային համալիր, ովքեր գտնվում են վնասվածքաբանության բաժանմունքում: Ըստ բժշկական կենտրոնի ավագ վիրաբույժ Արտակ Վարդանյանի՝ ոչ մի հիվանդի կյանքի վտանգ չի սպառնում:
«Հիմնական վնասվածքներն են թունավորումներ, բութ գործիքներով հասցված սալջարդ վերքեր, կոտրվածքներ»:
