Ազգային ժողովն այսօր ձայների 106 կողմ, 6 դեմ հարաբերակցությամբ 1- ին ընթերցմամբ ընդունել է Ընտրական օրենսգքրում փոփոխություններ առաջարկող օրենսդրական փաթեթը: Մեկ ամիս առաջ ընդունված օրենսգիքրը, հիշեցնենք, փոփոխվում է ընդդիմություն- իշխանություն քաղաքական համաձայնության արդյունքում:
Քվեարկությունից առաջ ՀԱԿ խմբակցության պատգամավոր Գագիկ Ջհանգիրյանը հայտարարել է, որ ՀԱԿ-ը կողմ է փոփոխություններին, քանի որ գործընթացը ընդդիմությունն է նախաձեռնել: ԲՀԿ խմբակցության ղեկավար Նաիրա Զոհրաբյանն ասել , որ փոփոխությունները կարևոր են և համատեղ լուրջ աշխատանքի արդյունք:
Փոփոխությունների ընդդիմախոսների անունից Ռուբեն Հակոբյանը ընդդիմություն-իշխանություն բանակցությունները ողջունելի է համարել, բայց նաև բացատրել, թե ինչու է դեմ փոփոխություններին: «Նախադեպը չունեցող գործարքատիպ բան է, երբ օրենք են ընդունում՝ պայմանավորելով դոնոր կազմակերպությունների բարեհաճ վերաբերմունքով: Միշտ կողմ եմ ընտրական օրենսգրքի բարելավմանը, բայց այս «եթե»-ով նախագծին ես դեմ եմ քվեարկելու»:
Նախագծում կառավարությունը, հիշեցնենք, ամրագրել է՝ փոփոխությունները ուժի մեջ կմտնեն, եթե ապահովվի դրանց իրականցաման համար անհրաժեշտ ֆինանսավորումը:
