Հնարավոր է մտածել ԵՄ նոր՝ ավելի ազատ ձեւաչափի մասին՝ ասել է Հռոմի Ֆրանցիսկոս պապը Հայաստանից հայրենիք վերադառնալու ճանապարհին՝ ինքնաթիռում։ Մեկնաբանելով բրիտանական հանրաքվեի արդյունքները՝ նա նշել է, որ «պառակտման մթնոլորտը» գոյություն ունի ոչ միայն Եվրոպայում, այլեւ աշխարհամասի առանձին երկրներում՝ հիշելով Կատալոնիան եւ Շոտլանդիան։
«Ինչ- որ բան այնպես չէ այս զանգվածային միությունում։ Հնարավոր է մտածել նոր, ավելի ազատ ձեւաչափի մասին։ Սակայն չի կարելի կեղտոտ ջուրը թափել երեխայի հետ միասին»,- իտալական մամուլից Պապի խոսքից մեջբերում է անում «ՌԻԱ Նովոստին»։
Հնարավո՞ր է պատերազմ սկսվի եվրոպական աշխարհամասում, հարցին Ֆրանցիսկոս պապը պատասխանել է, «Եվրոպայում արդեն պատերազմ է»։
