Այսօր երեկոյան՝ Երեւանի ժամանակով 23.00-ին, Ֆրանսիայում կմեկնարկի 2016թ. ֆուտբոլի Եվրոպայի առաջնությունը:
Ֆուտբոլի Եվրոպայի առաջնություն 15-րդ խաղարկությունն է, որը անցկացվելու է Ֆրանսիայում 2016 թվականի հունիսի 10-ից մինչև հուլիսի 10-ը։
Առաջնությունում առաջին անգամ կմրցի 24 հավաքական՝ նախկին 16-ի փոխարեն: Նշենք, որ նախկին ձևաչափը գործում էր 1996 թվականի Եվրոպայի առաջնությունից սկսած։ Այս ձևաչափով եզրափակիչ փուլ հասած հավաքականներից կկազմվի վեց խումբ, որից հետո կլինի փլեյ-օֆֆ-ի երեք փուլ և եզրափակիչ։ 19 հավաքական միացան Ֆրանսիային որակավորման փուլի արդյունքներով և մասնակցելու են առաջնության եզրափակիչ փուլին, ևս 4 հավաքական հայտնի դարձան 2015 թվականի նոյեմբերին լրացուցիչ խաղերի արդյունքում։
Ֆրանսիան ընտրվել է որպես ընդունող երկիր 2010 թվականի մայիսի 28-ին՝ հայտերի գործընթացից հետո, երբ Ֆրանսիան առաջ անցավ Իտալիայից և Թուրքիայից։ Բոլոր խաղերը կկայանան տասը քաղաքների տասը մարզադաշտերում՝ Բորդո, Լանս, Լիլ, Լիոն, Մարսել, Նիս, Փարիզ, Սեն-Դենի, Սենտ Էտիեն և Թուլուզ։ Ֆրանսիան կընդունի առաջնությունը երրորդ անգամ, նախկին երկու անգամները եղել են 1960 և 1984 թվականներին։ Ֆրանիայի հավաքականը հաղթել է առաջնությունում երկու անգամ՝ 1984 և 2000 թվականներին։
Հաղթող հավաքականը կմասնակցի ՖԻՖԱ Կոնֆեդերացիայի գավաթ 2017 մրցաշարին, որը կկայանա Ռուսաստանում։
