Չորեքշաբթի երեկոյան Թել Ավիվում տեղի ունեցած ահաբեկչության զոհ է դարձել 4 մարդ՝ հայտնում է իսրայելական հեռուստատեսության 2-րդ ալիքը։ Կա 9 վիրավոր։
Հեռուստաալիքի փոխանցմամբ՝ երկու ահաբեկիչներ մտել են պաշտպանության նախարարության համալիրին մոտ տեղակայված «Սորոնա» առևտրի կենտրոն, սնունդ պատվիրել ռեստորանում, այնուհետև կրակ բացել։
Հարձակումն իրագործած երկու անձինք ձերբակալվել են։ Նրանցից մեկը ծանր վիրավորվել է։ Երկրորդ ահաբեկչին անվտանգության ծառայության ներկայացուցիչները հարցաքննում են։ Պարզվել է, որ նրանք պաղեստինցի են։
