Սանկտ Պետերբուրգում անհայտ անձինք Կալաշնիկով ավտոմատից կրակ են բացել ոստիկանական ավտոմեքենայի վրա։ Սպանվել է երկու ոստիկան, ևս երկուսը վիրավորվել են, մեքենան ամբողջությամբ այրվել է:
«ՌԻԱ Նովոստի» գործակալության փոխանցմամբ՝ հանցագործներին հաջողվել է փախչել: Ոստիկանական մեքենան պատկանում էր Ռուսաստանի տրանսպորտային ոստիկանության ՕՄՕՆ-ին: Քիչ առաջ հայտնի է դարձել, որ հանցագործության նպատակը կողոպուտն է եղել, ոստիկաններին սպանելուց հետո հանցագործները հափշտակել են մեքենայով տեղափոխվող խոշոր գումարը: Գումարի չափը չի ճշտվում:
