Շախմատի Հայաստանի ֆեդերացիայի փոխնախագահ Սմբատ Լպուտյանը այսօր լրագրողների հետ հանդիպման ժամանակ վերլուծել է շախմատային տարին` գնահատելով Եվրոպայի առաջնությունում հայ շախմատիստների ելույթները: Նա նշել է, որ իզուր չէ, որ Հայստանին շախմատային գերտերություն են համարում: Անկախացումից հետո մեր երկիրը իր շախմատային տիտղոսներով 2-րդն է աշխարհում: Շախմատի ֆեդերացիայի փոխնախագահը շնորհակալություն է հայտնել մեր շախմատիստներին՝ նշելով, որ նրանց նվաճումը ոչ միայն պատիվ է բերում հայկական շախմատին, այլ նաև ուրախացնում է հայ ժողովրդին, որոնք այս դժվարին ժամանակներում ուրախանում են հենց այսպիսի հաղթանակներով: Սմբատ Լպուտյանը նշել է, որ հաջորդ տարի մեր շախմատիստները փորձելու են մեդալ նվաճել նաև համաշխարհային օլիմպիադայում, որը կայնալու է Բաքվում:
