ԱՄՆ ում գործող Սիրիայի հայ օգնության հիմնադրամը (SARF) 2016 թվականի փետրվարի 21-ին Լոս Անջելեսում կանցկացնի «Փրկիր կյանք» խորագրով հեռուստամարաթոն: Այն նպատակ ունի օգնության ձեռք մեկնել Սիրիայում բնակվող հայերին սիրիական ճգնաժամի 5-րդ տարում, այս մասին տեղեկացնում է «Ասպարեզ»-ը:
«Սիրիական հակամարտության արդեն 5-րդ տարում շարունակվում են կործավել քաղաքներ ու գյուղեր, տները հավասարեցվում են հողին, ընտանիքները մասնատվում են, և որ ամենացավալին է՝ արյունահեղությունը շարունակվում է, և անմեղ կյանքեր զոհ են գնում բռնությանը: Հարյուր հազարավոր քաղաքացիներ զրկված են հիմնական կարիքներից` ջրից, սննդից, տանիքից ու ջերմությունից: Հայկական սփյուռքի ամենահին համայնքներից Հալեպը վերածվել է դատարկված ուրվական քաղաքի», նշվում է Սիրիայի հայ օգնության հիմնադրամի հայտարարության մեջ՝ հորդորելով բոլորին մասնակցել «Փրկիր կյանք» հեռուստամարաթոնին և օգնության ձեռք մեկնել Սիրիայում բնակվող մեր հայերնակիցների
