Թուրքիայում խորհրդարանական ընտրությունների արդյունքում Էրդողանը վերականցնեց դիրքերը: Այդպիսով` պաշտոնական Անկարան կպահի իր քաղաքական կուրսն ու առկա խնդիրները կշարունակվեն պահպանվել:
Թուրքիայում կայացած խորհրդարանական ընտրությունների արդյունքը շլացուցիչ է համարում թուրքագետ Հակոբ Չաքրյանը: Ըստ նրա` նման արդյունքն անսպասելի էր անգամ Էրդողանի ու վարչապետ Դավութօղլուի համար: «Արդարություն և զարգացում» կուսակցությունը նոյեմբերի 1-ին կայացած ընտրություններում հավաքեց քվեների 49,4 տոկոս, ինչը խորհրդարանում ապահովում է ոչ թե բացարձակ, այլ պարզ մեծամասնությում ՝ 316 տեղ, ինչը հնարավորություն է տալիս ստեղծել միակուսակցական կառավարություն:
Ժողովրդա-հանրապետական կուսակցությունը ավելի քան 25,4% ձայն է հացաքել, Ազգայնական շարժում կուսակցությունը11,9% է ստացել, մինչդեռ հունիսին կայացած ընտրություններին 16 տոկոս էր հավաքել, քրդամեդ Ժողովուրդների դեմոկրատական կուսակցությունը10,7% է ստացել: Պատկերը ցույց է տալիս, որ ԱԶԿ- ն իր ձայներն ապահովել է Ազգայնական շարժման ձայների հաշվին, ինչը վկայում է ազգայնականների հետ Էրդողանի սերտ հարաբերությունների մասին: Այսպիսով, ըստ Չաքրյանի, Էրդողանը լուծում է իր նախագահության հարցը։
Թուրքագետը հիշեցրեց, որ ընտրություններից առաջ ռազմական հեղաշրջման մասին էր խոսվում։ Սա ընդգծելով՝ Հակոբ Չաքրյանը չբացառեց լարվածության սրումը ընտրություններից հետո: Սական Թուրքիա-Հայաստան հարաբերություններում փոփոխություններ նա չի սպասում։ : Էրդողանի ընտրվելով՝ կպահպանվի Թուրքիայի նույն քաղաքական կուրսը:
Թուրքիայում խորհրդարանական ընտրությունների արդյունքներով՝ երեք հայ պատգամավորներ են վերընտրել են՝ «Արդարություն և զարգացում» կուսակցությունից Մարգար Եսայանը, Ժողովուրդների դեմոկրատական կուսակցությունից Կարո Փալյանն ու Ժողովուրդների հանրապետական կուսակցությունից Սելինա Տողանը:
