Նիսում Ֆրանսիայի հավաքականը խոշոր հաշվով հաղթել է Հայաստանի ընտրանուն ընկերական խաղում` 4-0 հաշվով:
Ֆրանսիայի հավաքականի դեմ ընկերական հանդիպմանը 4:0 հաշվով պարտություն կրելուց հետո Հայաստանի հավաքականի գլխավոր մարզիչ Սարգիս Հովսեփյանը նշել է, որ թիմը հաջող է անցկացրել առաջին խաղակեսը՝ ստանալով մեծ բավականություն:
«Փորձեցինք խաղալ հակագրոհների վրա, ինչի արդյունքում մի քանի հիանալի պահեր ստեղծեցինք: Բավականություն ստացանք հզոր մրցակցի դեմ անցկացրած առաջին խաղակեսից: Ֆրանսիայի հավաքականի կազմում հանդես են գալիս բազմաթիվ բարձրակարգ ֆուտբոլիստներ: Նրանք փորձառու են և արագավազ: Սակայն սաներս էլ խաղից խաղ փորձ են ձեռք բերում: Հայաստանի և Ֆրանսիայի ընտրանիների միջև անդունդ է: Այնուամենայնիվ, բավարարված եմ սաներիս ցուցադրած խաղով»,- ՈւԵՖԱ-ի պաշտոնական կայքը մեջբերում է Հովսեփյանի խոսքերը:
