ՀԱՊԿ զորավարժության մասնակիցներն այսօր եղան Ծիծեռնակաբերդում, Մատենադարանում (լուսանկարներ)
Հայաստանում անցկացվող ՀԱՊԿ Հավաքական խաղաղապահ ուժերի «Անխախտելի եղբայրություն-2015» զորավարժության մասնակից ազգային ստորաբաժանումների անձնակազմն այսօր եղել է Մեսրոպ Մաշտոցի անվան հին ձեռագրերի գիտահետազոտական ինստիտուտում, Հայաստանի պատմության թանգարանում: ՀԱՊԿ անդամ-երկրները ներկայացնող խաղաղապահներն այցելել են նաև Ծիծեռնակաբերդ, Հայոց ցեղասպանության թանգարան-ինստիտուտում ծանոթացել են ներկայացված նյութերին ու ցուցանմուշներին:
Զորավարժություննների պաշտոնական մեկնարկի առաջին օրվանից «Բաղրամյան» զորավարժարանի վրանային ավանում անցկացվում են նաև սպորտային և մշակութային միջոցառումներ: Գործնական պարապմունքների խաղաղապահների բազմազգ զորախումբը հավաքվում է խարույկի շուրջ: Ամեն երեկո նվիրված է զորավարժության մասնակից ՀԱՊԿ անդամ պետության օրվան: Հայրենասիրական և ազգային երգերի կատարմամբ հանդես է գալիս ՀՀ ՊՆ Սպայի տան «Զորական» համույթը, մասնակից պետությունների զինծառայողները:
