Երևանում այսօր մեկնարկել է ԱՊՀ երկաթուղային տրանսպորտի խորհրդի «Երկաթուղային տրանսպորտում անվտանգության հարցերով» հանձնաժողովի երկօրյա նիստը: Դրան չի մասնակցում միայն Ադրբեջանի ներկայացուցչությունը: Նիստի օրակարգում 12 հիմնական ու 7 միջանկյալ հարցեր են ընդգրկված: «Առանց երկաթուղու Հայաստանը տնտեսություն չի կարող ունենալ»,- հայտարարել է Հարավկովկասյան երկաթուղի ընկերության տնօերենի՝ անվտանգության գծով տեղակալ Լևոն Հակոբյանը ու վստահեցրել՝ եթե բեռների փոխադրումն ավելանա, տեղափոխման ինքնարժեքը կնվազի:
ԱՀՊ անդամ գրեթե բոլոր երկրների երկաթուղային ոլորտի անվտանգության հարցերով մասնագետները Երևանում են՝ քննարկելու նախանշված վայրը՝ բեռների ու ոչ միայն երկաթուղիով անվտանգ տեղափոխելու հարցերը: 12 հիմնական ու 7 միջանկյալ հարցեր են ընդգրկված նիստի օրակարգում: Խնդիրները շատ են, շատ հաճախ դրաք առաջանում են մի երկրից մեկ այլ երկիր բեռներ տեղափոխելու ընթացքում:
Ուստի և նման հարցերին ճիշտ լուծում տալու նպատակով է, որ որոշվեց ստեղծել մասնագետների առանձին խումբ՝ տարբեր երկրների ներկայացուցիչների մասնակցությամբ: Հարավկոկվասյան երկաթուղի ընկերության անվտանգության գծով տեղակալ Լևոն Հակոբյանն անկեղծանում է՝ հաճախ են անլուծելի խնդիրներ առաջանում:
«Անվտանգության առումով գրեթե խնդիրներ չունենք»,- ասում է Հարավկովկասյան երկաթուղու ներկայացուցիչն ու մի քանի անգամ ընգծում՝ երկաթուղիով բեռների քանակն ավելանալու դեպքում իրենք պատրաստ են ինքարժեքը նվազեցնել: Խորհրդային միության տարիներին ամեն օր Հայաստան էր ներմուծվում 2500 վագոն, այսօր՝ 30 վագոն:
«Եթե բեռների քանակն ավելանա, փոխադրման ինքնարժեքը կնվազի ու մենք էլ մրցունակ կլինենք»,- Հակոբյանի վսատահեցումն է:
