Խորհրդարանն այսօր օրվա վերջին միայն ավարտեց Սահմանադրության բարեփոխումների նախագծի քննարկումը: Այն շարունակվեց 4 օր՝ նաև արտահերթ նիստով և գրանցեց աննախադեպ ցուցանիշ. հիմնական զեկուցողին ուղղվեց 35-ից ավելի հարց, ելույթ ունենալու համար խորհրդարանական ամբիոնին մոտեցավ մոտ 50 պատգամավոր: Քննարկմանը Հանրայինի եթերում ուղիղ հեռարձակմամբ հետևելու հնարավորություն ունեցավ նաև հանրությունը: Քննարկումը կվերսկսվի հաջորդ ՝ հոկտեմբերի 5-ին մեկնարկող քառօրյայի ընթացքում մասնագիտական հանձնաժողովի անդամ, նախագահի ներկայացուցիչ Վարդան Պողոսյանի եզրափակիչ ելույթով: Նա կներկայացնի, թե որ առաջարկներն են ընդունվել, որոնք են մերժվել, որից հետո էլ փաստաթուղթը կդրվի քվեարկության: Խորհրդարանական խմբակցություններն արդեն պաշտոնապես հայտարարել են, թե ինչպես են պատրաստվում քվեարկել:
«Ժառանգություն» կուսակցությունը դեմ է Սահմանադրության փոփոխությունների նախագծին: Եվ այդ «ոչ»-ը վերաբերում է ոչ միայն նախագծին, այլև՝ քաղաքական դաշտը ձևախեղելու փորձերին, որոնք, ըստ Զարուհի Փոստանջյանի, արվում են խորհրդարանական մոդելի ծխածածկույթի տակ: «Ժառանգությունը» դեմ քվեարկելու նախագծին ՝ հայտարարեց Փստանջյանն ու լսեց ԱԺ փոխնախագահ Էդուարդ Շարմազանովի այս արձագանքը. «Ժառանգությունն այսինքն ո՞վ, միայն դո°ւք»:
Ռուբեն Հակոբյանը, հիշեցնենք, լքել է «Ժառանգություն» կուսակացությունը և վայր է դրել խմբակցության ղեկավարի լիազորությունները: Այս պահին խմբակցության 4 անդամներից միայն Զ.Փոստանջյանն է ներկայացնում «Ժառանգություն» կուսակցությունը:
ՕԵԿ-ը դեռ չգիտի՝ հոկտեմբերի 5-ին խմբակցության անդամները «կո՞ղմ»-ի թե՞ «դեմ»-ի կոճակը կսեղմեն: Խմբակցության անդամ Հովհաննես Մարգարյանն ասաց, որ խմբակցության վերջնական դիրքորոշումը կախված է իրենց առաջարկների ընդունումից և մեկ անգամ ևս թվարկեց հիմնական առաջարկները: Ընդհանուր առմամբ՝ ՕԵԿ-ում կարծում են, որ նախագիծը չի լուծել քաղաքական մենաշնորհի հարցը, ավելին ՝ սահմանադրական երաշիքներ է ամրագրել քաղաքական մեկ ուժի մենիշխանությունը պահպանելու համար, լուծում չի տվել «Հաղթողին ամեն ինչ, պարտվողին ոչինչ» իրավիճակին: ՕԵԿ-ը չի հասկանում նաև այն շտապողականությունը, որով ընթանում է գործընթացը:
Ի տարբերություն ՕԵԿ-ի ՝ ՀՅԴ-ի հիմնական առաջարկները նախագծում արդեն արտացոլված են: Հայտնի 7 կետերից առնվազն 4-ը տեղ են գտել փաստաթղթում և սա բավարար է այն պաշտպանելու համար: Թերևս հենց այս պատճառով ՀՅԴ խմբակցության ղեկավար Արմեն Ռուստամյանը նախընտրեց ելույթի հիմնական մասը նվիրել ոչ թե ՀՅԴ դիրքորոշումը հիմնավորելուն, այլ՝ գործընթացին դեմ արտահայտվողների փաստարկները քննադատելուն:
ՀԱԿ-ը համոզված է՝ Հայաստանի համար գերակա է անվտանգության խնդիրը, իսկ խորհրադարանական կառավարման համակարգն այդ խնդիրը լուծելու առումով ավելի խոցելի է, քան՝ կիսանախագահականը: Լևոն Զուրաբյանն ամփոփիչ ելույթում փորձեց բացահայտել, թե ինչ է թաքնված գործընթացի հետևում: Իրադարձությունների որոշակի ընթացք ու զարգացում ներկայացրեց, կանխատեսումներ արեց ու եզրահանգեց. դրված է ոչ թե նախագծի, այլ գործող իշխանություններին այո կամ ոչ ասելու հարցը: Զուրաբյանը հայտարարեց, որ ՀԱԿ-ը «Ոչ»-ի ճամբարում է և այդ դիրքրոշումն էլ քարոզելու է իր ընտրողներին:
ԲՀԿ-ն « Ոչ»-ի ճակատին չի միանա: Թե ինչու տարբեր փաստարկներ ունի, բայց մինչ վերջնական դիրքորոշումը ներկայացնելը, Միքայել Մելքումյանը հարկ համարեց կրկին բացատրել, թե ինչպես պատահեց, որ ԲՀԿ-ն ամիսներ առաջ դեմ էր, հիմա կողմ է Սահմանադրության փոփոխմանը: ԲՀ Կ- ն չի ասել, թե դեմ է փոփոխություններին, այլ ասել է, որ ժամանակը չէ, հայտարարեց Մելքումյանը։ Կատարյալ փաստաթղթեր չկան, և եթե գրվածի 70 տոկոսը բավարարում է, ապա չեն կարող դեմ լինել , նշեց պատգավորը եւ հայտարարեց, որ ԲՀԿ-ն կողմ է քվերակելու:
Հանրապետական խմբակցությունը ոչ թե կողմ է, այլ կողմ է միակամորեն: Ոչ միայն կողմ է, այլ նաև գոհ է քննարկման ընթացքից, որակից, նաև մասնագիտական հանձնաժողովի աշխատանքից: Վահրամ Բաղդասարյանի ելույթի առանցքում ոչ այնքան իրավական, որքան քաղաքական գնահատականներ էին: Քննարկման ժամանակ պատմական էքկուրսներ անողներին ՀՀԿ խմբակցության ղեկավարը հորդորեց դրանք սեփական պատմության շուրջ տանել։
Քվեարկությունը կկայանա հաջորդ ՝ հոկտեմբերի 5-ին մեկնարկող
