Այսօր Գյումրիում տեղակայված 102-րդ ռուսական ռազմաբազայի տարածքում մեկնարկում է Ավետիսյանների ընտանիքի սպանության գործով մեղադրյալ Վալերի Պերմյակովի դատահոգեբանական-դատահոգեբուժական համալիր փորձաքննությունը:
Հիշեցնենք, որ Ավետիսյանների ընտանիքի 6 անդամների սպանությունը տեղի է ունեցել 2015 թ. հունվարի 12-ին։ Մի քանի օր անց մահացել էր նաև ընտանիքի անդամներից միակ ողջ մնացած 6 ամսական Սերյոժա Ավետիսյանը: Ավետիսյանների ընտանիքի 7 անդամի սպանության համար մեղադրվում է Գյումրիի 102-րդ ռուսական ռազմաբազայի ժամկետային զինծառայող Վալերի Պերմյակովը։ Դեպքի առթիվ Հայաստանում հարուցվել էր քրգործ սպանության հատկանիշներով, իսկ ՌԴ-ում՝ դասալքության: Օգոսոսի 2-ին ռուսական կողմը Պերմյակովին դատապարտեց ազատազրկման 10 տարի ժամկետով:
