Սեպտեմբերի 17-19-ը Երևանում կանցկացվի Yerevan Jazz Fest 2015 երաժշտական փառատոնը, որի շրջանակում հանդես կգան ջազի այնպիսի վարպետներ, ինչպիսիք են աշխարհահռչակ վոկալիստ, ամերիկացի Ռիչարդ Բոնան, Նինո Կատամաձեն՝ Վրաստանից, ավստրիացի ջազմեն Հյուբերտ Թաբսը, Սերգեյ Մանուկյանը՝ Ռուսաստանից, Արթուր Սաթյանը Լիբանանից, ինչպես նաև հայասատնյան ջազի այնպիսի անուններ, ինչպիսիք են Լևոն Մալխասյանն ու Վահագն Հայրապետյանը:
Կոնստանտին Օրբելյանին նվիրված եզրափակիչ համերգին կմասնակցեն Մարիամ և Արմեն Մերաբովները, որոնք ելույթ կունենան Հայաստանի պետական ջազ նվագախմբի նվագակցությամբ` Արմեն Հյուսնունցի ղեկավարությամբ։ Yerevan Jazz Fest-ի շրջանակում կազմակերպվող համերգները տեղի կունենան Կ. Դեմիրճյանի անվան մարզահամերգային համալիրում, կազմակերպիչը Ջազի հայկական ասոցիացիան է:
