ՌԴ նախագահից բացի շահագրգիռ պետությունների նախագահների հետ հեռախոսազրույց ունենալու մասին հարցին ՀՀ վարչապետ Նիկոլ Փաշինյանը Հանրային հեռուստաընկերության «Հարցազրույց» հաղորդման եթերում պատասխանել է․
«Իրականում առաջին զանգը հենց Պուտինի հետ է եղել և նաև ասեմ, որ այդ զանգերի նպատակը և իմաստը նաև այն գործընկերներին, ովքեր տեղեկացված չեն, կամ որոշ նրբությունների տեղեկացված չեն, նրանց այդ տեղեկությունները փոխանցելն էր: Իսկ ՌԴ նախագահը վստահաբար այս իրավիճակի նրբություններին տեղյակ է, ուստի նոր հեռախոսազրույցի անհրաժեշտություն չկար, ըստ անհրաժեշտության այդ հեռախոսազրույցները կարող են տեղի ունենալ»:
«Լաչինի միջանցքի ապօրինի արգելափակման և ԼՂ-ում հումանիտար ճգնաժամի իրավիճակը սկսվում է նախորդ տարվա դեկտեմբերից, որից մինչ այս պահը մեկ տասնյակից ավել հեռախոսազրույցներ եմ ունեցել ՌԴ նախագահի հետ, իսկ մյուս գործընկերների հետ նոր իրավիճակի հետ կապված տեղեկություններ կար, որ պետք էր և արժեր կիսել նրանց հետ»,-ասել է Փաշինյանը։
