Թուրքիայի նախագահ Ռեջեփ Թայիփ Էրդողանի հրամանով 81 նահանգներից 57-ում փոխվել են նահանգապետերը։ Համապատասխան հրամանագիրը, ինչպես ՏԱՍՍ-ն է նշում, հրապարակվել է կառավարության Resmi Gazete տեղեկագրում։
Վերադասավորումների պատճառները, որոնք չեն ազդել Անկարայի և Ստամբուլի վրա, չեն նշվում։ Ընդդիմադիր լրատվամիջոցներն ուշադրություն են հրավիրում այն փաստի վրա, որ որոշումը կայացվել է այս շաբաթ տեղի ունեցած Թուրքիայի կառավարության և Ազգային անվտանգության խորհրդի նիստերից հետո։
Օգոստոսի 2-ին Էրդողանի հրամանով փոխվել էին նաև Թուրքիայի 52 նահանգների անվտանգության վարչությունների ղեկավարները։ Իշխանությունները չեն մեկնաբանել կադրային փոփոխությունների պատճառները։
