Հայաստանը կարևորում է Արգենտինայի հետ ընդհանուր արժեքների վրա հիմնված հարաբերությունները. ԱԺ նախագահ

Առաջին անգամ Հայաստան էր այցելել Արգենտինայի խորհրդարանի երկու պալատների` Հայաստանի հետ բարեկամական խմբերի պատվիրակությունը:

Հայաստանը մեծապես կարեւորում է Արգենտինայի հետ փոխադարձ հարգանքի եւ ընդհանուր արժեքների վրա հիմնված հարաբերությունները․ նշել է Ազգային ժողովի նախագահ Ալեն Սիմոնյանը պատվիրակության հետ հանդիպմանը։ Հյուրերը հանդիպել են Ազգային ժողովի Հայաստան-Արգենտինա բարեկամական խմբի անդամների, ՀՀ վարչապետի, Հանրապետության նախագահի, Արտաքին գործերի նախարարի հետ: