Առնվազն տասներկու մարդ է մահացել Էլ Սալվադորի մայրաքաղաք Սան Սալվադորի ֆուտբոլային մարզադաշտում տեղի ունեցած հրմշտոցի հետևանքով, հայտնում է BBC-ն։
Միջադեպը տեղի է ունեցել «Կուսկատլան» մարզադաշտում տեղի «Ալիանզա»-ի և Սանտա Անայի «Ֆաս» թիմի միջև հանդիպման ժամանակ: Հանդիպումը դադարեցվել է:
Ոստիկանությունն ավելի վաղ հայտնել էր, որ մահացածների թվում կա յոթ տղամարդ և երկու կին։
Հաղորդվում է, որ դարպասները փակելուց հետո մեծ թվով երկրպագուներ փորձել են մտնել տրիբունա։ Պաշտոնյաները կարծում են, որ որոշ երկրպագուների կեղծ տոմսեր են վաճառվել։ Այժմ հետաքննություն է ընթանում:
