«Եվրատեսիլ 2022» երգի մրցույթում Հայաստանի ներկայացուցիչ Ռոզա Լինը հայտարարել է իր առաջին շրջագայության մասին:
«Իմ ննջասենյակում երգեր գրելուց մինչև «Եվրատեսիլ»-ին մասնակցելը, դա անհավատալի ճամփորդություն է եղել մինչ այժմ… Եվ հիմա, ես չափազանց ոգևորված եմ ձեզ բոլորիդ հետ կիսելու հաջորդ գլուխը։ Ես ոգևորված եմ հայտարարելու, որ պատրաստվում եմ իմ առաջին գլխավոր շրջագայությանը», Թվիթերի գրառման մեջ ասել է Ռոզան։
«Կենդանի երաժշտություն նվագելը բառացիորեն իմ ամենասիրած բանն է աշխարհում, և ես անհամբեր սպասում եմ, որ իմ երաժշտությունը այս քաղաքներում և ձեզ բոլորիդ բերեմ»,-ասել է նա։
Այս տարի ավելի ուշ Ռոզա Լինը կմիանա Գրեմմիի բազմաթիվ մրցանակակիր աստղ Էդ Շիրանին Հյուսիսային Ամերիկայի շրջագայության համար:
Ռոզան պատրաստվում է բացել Էդ Շիրանի +–=÷x շրջագայության հինգ շոուներ («Մաթեմատիկական տուր») Հյուսիսային Ամերիկայում Խալիդի հետ միասին։
«Մաթեմատիկա» շրջագայությունը առաջին անգամ կմեկնի Հյուսիսային Ամերիկա այն բանից հետո, երբ Շիրանի 2018 թվականի «Divide Tour»-ը դարձավ բոլոր ժամանակների ամենաշատ հաճախվող և ամենաբարձր եկամուտ ունեցող շրջագայությունը:
