Չերնոգորիայի Պետրովաց քաղաքում ընթացող շախմատի Եվրոպայի կանանց 23-րդ անհատական առաջնությունում կայացան նախավերջին՝ 10-րդ տուրի պարտիաները։
Մարտի 28-ին հաղթել են Էլինա Դանիելյանը, Մարիամ Մկրտչյանը և Լիլիթ Մկրտչյանը:
Ինչպես հայտնում են Հայաստանի շախմատի ֆեդերացիայից, Մարիամը պարտության է մատնել ադրբեջանցի շախմատիստուհի ՄՎ Գյունայ Մամեդզադեին:
Աննա Սարգսյանի խաղը ավարտվեց ոչ-ոքի արդյունքով: Էլինա Դանիելյանը և Աննա Սարգսյանը 10 հնարավորից վաստակել են 7 միավոր և համապատասխանաբար զբաղեցնում են 6-րդ և 9-րդ հորիզոնականները:
Լիլիթ Մկրտչյանը և Մարիամ Մկրտչյանը վաստակել են 6.5 միավոր և համապատասխանաբար զբաղեցնում են 15-րդ և 18-րդ հորիզոնականները:
