1914-ի սեպտեմբերի 14-ին պահեստի զինծառայողների և վիրավոր զինվորների ընտանիքներին օգնելու նպատակով կաթողիկոս Գևորգ V Սուրենյանցի հովանու ներքո Թիֆլիսում ստեղծվում է Հայկական կենտրոնական կոմիտե։
Այդ կառույցի կազմում են սկսում համակարգված գործել հայոց մեծ ու փոքր բարեգործական կազմակերպությունները։
Նոյեմբերի 20-ին կաթողիկոսի կոնդակով թեմական առաջնորդներին հրահանգվում է հոգալ պատերազմի հետևանքով Կովկասի սահմաններում հայտնված արևմտահայ գաղթականների կարիքները։
Բազմաթիվ քաղաքներում և ավաններում հիմնվում են եղբայրական օգնության հանձնաժողովներ կամ կոմիտեներ, որոնք կազմակերպում են տարագիրների օգնության գործը։
Թեմային է անդրադառնում Հայաստանի ազգային արխիվի տնօրենի խորհրդական, Մեսրոպ Մաշտոցի անվան Մատենադարանի ավագ գիտաշխատող Գոհար Ավագյանը։ «Միսիոներներն ու բարեգործական կառույցները և հայ տարագիրեները»՝ մաս 14-րդ։
