ԿարևորՀասարակություն

Մեկնարկել է Արցախի անհատ ձեռնարկատերերին դրամական աջակցության տրամադրման գործընթացը

Արցախի պետական եկամուտների կոմիտեից հայտնում է, որ մեկնարկել է Ադրբեջանի կողմից Արցախի Հանրապետության շրջափակման սոցիալ-տնտեսական հետևանքների մեղմացման առաջին միջոցառման շրջանակում 2022 թվականի դեկտեմբերի 12-ի դրությամբ բացառապես Արցախի Հանրապետությունում մասնավոր հատվածի աջակցության ենթակա ոլորտներում գործունեություն իրականացնող՝ 2023 թվականի փետրվարի 1-ին նախորդող առնվազն 15 օրերին աշխատանքային և (կամ) քաղաքացիաիրավական պայմանագրերով չաշխատած անհատ ձեռնարկատերերին, այդ թվում՝ արտոնագրային վճար վճարող անհատ ձեռնարկատերերին ու ֆիզիկական անձանց միանվագ դրամական աջակցության տրամադրման նպատակով դիմումների ընդունումը:

Միանվագ դրամական աջակցությունը տրամադրվում է՝

  • անհատ ձեռնարկատերերին (բացառությամբ արտոնագրային վճար վճարող անհատ ձեռնարկատերերի ու ֆիզիկական անձանց)՝ 136.000 ՀՀ դրամի չափով.
  • արտոնագրային վճար վճարող անհատ ձեռնարկատերերին ու ֆիզիկական անձանց` 68.000 ՀՀ դրամի չափով:
  • Միանվագ դրամական աջակցություն ստանալու նպատակով հարկ վճարողները պաշտոնական կայքում տեղադրված ձևանմուշով էլեկտրոնային եղանակով ներկայացնում են դիմում:
  • Դիմումների ներկայացման վերջնաժամկետն է փետրվարի 28-ը
Back to top button