ԿարևորՔաղաքական

Եվրոպան չի կարող աչք փակել ժողովրդավարական արժեքների ոտնահարման վրա․ Ռուբեն Վարդանյան

ԱՀ պետնախարար Ռուբեն Վարդանյանը ֆեյսբուքի իր էջում հայտնել է, որ հարցազրույց է տվել եվրոպական երկու լրատվամիջոցների՝ իսպանական EL PAIS-ին և իտալական La Nuova Bussola Quotidiana-ին։

Ըստ նրա՝ հարցազրույցներում խոսել է Ադրբեջանի կողմից Արցախի շրջափակման իրական պատճառների, Արցախում ստեղծված իրավիճակի և այն քայլերի մասին, որ եվրոպական կառույցներն ու հանրությունը պարտավոր են ու պետք է ձեռնարկեն՝ հումանիտար ճգնաժամը կանխելու համար:

Պետնախարարն անդրադարձել է օդային հումանիտար միջանցքի ապահովման անհրաժեշտությանը, ինչը կիրառվել է Բեռլինի և Սարաևոյի պաշարումների ժամանակ։

«Եվրոպան չի կարող աչք փակել ավտորիտար Ադրբեջանի կողմից 120 հազար մարդու` ամիսներ շարունակվող ապօրինի շրջափակման, Հայաստանից եկող գազի և հոսանքի մատակարարման դադարեցման մշտական սպառնալիքի, մարդու՝ բոլոր տեսակի հիմնարար իրավունքների և ժողովրդավարական արժեքների ոտնահարման վրա»,-գրել է Վարդանյանը։

Back to top button