Արտյոմ Ավետիսյանը ծնվել է 2002 թվականին Արտաշատի Այգեզարդ գյուղում։ Ունի եղբայր։ Մայրն ազգությամբ ռուս է, մայրական պապը՝ գերմանացի։ Մինչ զորակոչվելն ընդունվել է Երևանի պոլիտեխնիկական համալսարանի «տեղեկատվական համակարգեր» բաժինը։ Զորակոչվել է 2020-ի օգոստոսի վեցին։ Ծառայել է Արցախի Մատաղիսի զորամասում։ Հոկտեմբերի 27-ին գանգուղեղային ծանր վիրավորում է ստացել, կոտրվել է նաև ոտքը։ Տասը վիրահատություն է տարել։ Չորս օր գտնվել է կոմայի մեջ, որից արթնացել է Զինվորի տանը։ «Այստեղ մուտք եմ գործել պառկած վիճակում, իսկ հիմա քայլում եմ»,-ասում է Արտյոմը։ Բուժմանը զուգահեռ շարունակում է ուսումը։ «Պատերազմից չեմ մոռանա արկերի պայթյունի ձայնը, շատ բաներ կան, բայց դրանց մասին ուզում եմ մոռանալ»,-ասում է Արտյոմը։
մեկ րոպեից էլ քիչ