Տասնյակ երկրներ կարող են բոյկոտել 2024 թվականին Փարիզում կայանալիք ձմեռային օլիմպիական խաղերը։
Բոյկոտը կկայանա, եթե ռուս և բելառուս մարզիկներին թույլ տան մասնակցել խաղերին, հայտարարել է Լեհաստանի սպորտի և զբոսաշրջության նախարար Կամիլ Բորտնիչուկը՝ հաղորդում է BBC-ն։
Նախարարն ասել է, որ կոալիցիային հնարավոր է միանան նաև ԱՄՆ-ն, Մեծ Բրիտանիան և Կանադան։ Ուկրաինան ևս սպառնացել է բոյկոտել Փարիզի Օլիմպիական խաղերը։
«Նման ասոցիացիան բավական կլիներ, որ մրցույթն անիմաստ դառնա»,- ընդգծել է նա։
ՄՕԿ-ն անցյալ շաբաթ հայտարարել էր, որ ուղիներ կփնտրի, որոնք թույլ կտան ռուս և բելառուս մարզիկներին հանդես գալ Փարիզում չեզոք դրոշի ներքո՝ հավելելով, որ «ոչ մի մարզիկի չպետք է արգելվի մասնակցել մրցույթին միայն իր անձնագրի պատճառով»:
