Ներկայացուցիչների պալատի անդամներ Ադամ Շիֆը և Ֆրենկ Փալոնը հինգշաբթի միացել են Կապիտոլիումի ցուցարարներին՝ կոչ անելով ԱՄՆ-ին Ադրբեջանին պատասխանատվության ենթարկել Արցախի ժողովրդի իրավունքները ոտնահարելու համար։ Նրանք նաև կոչ են արել աջակցել Կոնգրեսի ստորին պալատում ներկայացված երկկուսակցական բանաձևին:
Բանաձևը, որի նպատակն է ճեղքել Ադրբեջանի շրջափակումը, կոչ է անում անհապաղ դադարեցնել ԱՄՆ-ի ցանկացած ռազմական կամ անվտանգային ոլորտի աջակցություն Ադրբեջանին։
«ԱՄՆ-ի աջակցությունը ռազմատենչ Ալիևին պետք է դադարեցվի», — ասել է Շիֆը Ադրբեջանի նախագահ Իլհամ Ալիևի մասին:
«Արցախը հայկական է. Արցախը պետք է հայ մնա»,- հայտարարել է Կոնգրեսի հայկական հանձնախմբի համանախագահ Ֆրենկ Փալոնը։
«Այսօր Կապիտոլիումի մոտ ցուցարարները բողոք էին հայտնում Ադրբեջանի կողմից Լաչինի միջանցքի անօրինական և անմարդկային շրջափակմանը: Ես հպարտությամբ կանգնեցի նրանց կողքին՝ կոչ անելով, որ Միացյալ Նահանգները պատասխանատվության ենթարկի Ալիևին Արցախի ժողովրդի դեմ մարդու իրավունքների խախտումների համար», — գրել է Փալոնը թվիթերում։
Demonstrators were at the Capitol today opposing Azerbaijan's illegal and inhumane blockade of the Lachin Corridor. I proudly stood with them in calling for the United States to hold Aliyev accountable for his human rights abuses against the people of Artsakh. pic.twitter.com/3zEHNlZHYA
— Rep. Frank Pallone (@FrankPallone) February 2, 2023
