ԿարևորՄիջազգային

Ռուսաստանի քաղաքացիները Թուրքիայում անշարժ գույքի ձեռքբերման առաջատար են դարձել

Ռուսաստանի քաղաքացիները 2022 թվականին Թուրքիայում բնակարաններ ձեռք բերելու առումով առաջատար են դարձել։ Նրանք գնել են ավելի քան 16,000 անշարժ գույք՝ գրեթե կրկնակի գերազանցելով իրանցիներին, հայտնել են ազգային վիճակագրական ինստիտուտից:

Նշվում է, որ ռուսները տարվա ընթացքում ձեռք են բերել ընդհանուր առմամբ 16312 բնակարան։ Իրանի քաղաքացիները անցյալ տարի Թուրքիայում գնել են 8223 բնակարան։ Նրանց հաջորդում են Իրաքի բնակիչները, որոնց բաժին է ընկել 6241 սեփականություն:

Ընդհանուր առմամբ, անցյալ տարի Թուրքիայում օտարերկրացիներին վաճառվել է 67490 բնակարան՝ 2021 թվականի համեմատ աճելով 15,2%-ով։

Ամենաշատ անշարժ գույք գնել են Ստամբուլում (24953), որին հաջորդում է Անթալիան (21860), երրորդ տեղում Մերսին նահանգն է, որտեղ կառուցվում է թուրքական առաջին ատոմակայանը՝ Akkuyu (4316)։

Back to top button