Երգերին բացառիկ վերնագրեր տվող քամանչահարը․ «15 րոպեն քիչ է»

-Ես ուզում եմ այս անգամ էլ մեր զրույցը շարունակենք մեր քամանչահարների մասին,- սկսում է Ռուբեն Մաթևոսյանը։

-Ես քեզ հետ ինչպես միշտ համաձայն եմ,- ավելացնում է Մարտին Վարդազարյանն ու նրանք սկսում են խոսակցությունը։

Նա ծնվել է այն ժամանակ Նոյեմբերյանի շրջանի Կոթի գյուղում։ 1934 թվականին Թբիլիսիում մասնակցել է Անդրկովկասյան ժողովրդական գործիքների օլիմպիադային, նվագել «Էշխեմեդ», «Լոռվա հովվականը» երաժշտական համարները և արժանացել ժյուրիի նախագահ, կոմպոզիտոր Ռոմանոս Մելիքյանի ուշադրությանը։

Նույն թվականին որպես քամանչահար և շվի նվագող ընդունվել է ֆիլհարմոնիայի ժողովրդական գործիքների նվագախումբ։

1939 թվականին նվագախմբի հետ մասնակցել է Մոսկվայում կայացած հայկական արվեստի և գրականության տասնամյակին՝ արժանանալով մեդալի։ 1946 թվականին ընդունվել է ՀԽՍՀ Ռադիոյի ժողովրդական գործիքների համույթ՝ որպես կոնցերտմեյստեր և մենակատար։

«15 րոպեն քիչ է», բայց այս ընթացքում մաեստրոներ Ռուբեն Մաթևոսյանն ու Մարտին Վարդազարյանը հասցնում են խոսել իրենց կոլեգայի, բացառիկ ընդունակություններով երգերի վերնագրեր դնողի ու քամանչահարի՝ Արտեմ Մեջինյանի մասին։

_{Լուսանկարը՝ Խաչատուր Ներսիսյանի ՖԲ էջից}