Հովսեփ Առաքելյանը ծնվել է 2000 թվականի օգոստոսի 14-ին Երևանում։ Պատանեկան տարիներից հետաքրքրվել է ոսկերչությամբ։ Ավարտել է Երևանի զարդակիրառական արվեստի արհեստագործական պետական ուսումնարանը։ Զորակոչվել է 2019-ի ձմռանը, ծառայել է Մատաղիսում, որտեղ էլ 44-օրյա պատերազմի առաջին օրը ծանր վիրավորվել է՝ կորցնելով ոտքերը։
«Ոտք կորցնելն ինձ համար ոչինչ էր, մարդիկ այնտեղ կյանք էին կորցնում»,-ասում է Հովսեփը։ Պատերազմից հետո շարունակեց զբաղվել իր սիրելի գործով՝ ոսկերչությամբ, իսկ հոկտեմբերի 15-ին Հովսեփի և Նադյայի հարսանիքն էր։ Ուսանողական տարիների ընկերությունը պատերազմից հետո միայն վերածվեց ռոմանտիկ պատմության։