Ռադիոլուր

Արեւմտահայերէն լուրեր Նոյեմբեր 29. 2022

Փարիզի մէջ Անվտանգութեան խորհուրդի քարտուղար Արմէն Գրիգորեան հանդիպեցաւ ԵԱՀԿ Մինսքի խումբի Ֆրանսայի համանախագահ Պրիս Ռոքֆոյի հետ։ Զրուցակիցները միտքեր փոխանակած են միջազգային եւ տարածաշրջանային անվտանգային օրակարգի շարք մը հարցերու շուրջ։

Գրիգորեան վերահաստատած է Հայաստանի պատրաստականութիւնը մեր տարածաշրջանին մէջ անվտանգային միջավայրի ապահովման նպաստելու։
Պաշտպանութեան նախարարութենէն կը յայտնեն, որ Ատրպէյճան գիշերը մօտաւորապէս երեք ժամ կրակած է հայկական դիրքերուն ուղղությամբ։ Ատրպէյճանի Զինուած ուժերը տարբեր տրամաչափի հրաձգային զինատեսակներով կրակած են հայ-ատրպէյճան սահմանի արեւելեան հատուածին տեղակայուած հայկական դիրքերուն ուղղութեամբ:

Բարեբախտաբար հայկական կողմը կորուստներ չունի: Այսօր՝ 29 Նոյեմբեր, ժամը 08:30-ի դրութեամբ, իրադրութիւնը սահմանին յարաբերական կայուն է:
Հայ հրաձիգները 1 ոսկէ եւ 2 արծաթէ մետալներ նուաճեցին Լեհաստանի մէջ բաց առաջնութեան: Էլմիրա Կարապետեան արժանացաւ ոսկէ մետալին, որն արդեն իսկ ապահոված է իր մասնակցութիւնը Փարիզի 2024 թուականի Ողոմպիական խաղերուն:

Back to top button