Ռադիոլուր

Արեւմտահայերէն լուրեր Հոկտեմբեր 07. 2022

6 Հոկտեմբերին Փրակի մէջ կայացած քառակողմ հանդիպման արդիւնքով՝ յայտարարութիւն ընդունած են.« Հայաստանն ու Ատրպէյճանը հաստատեցին իրենց յանձնառութիւնը ՄԱԿ-ի կանոնադրութեան եւ 1991թ. Ալմաթայի Հռչակագիրին, որոնց միջոցով երկու կողմերն ալ կը ճանչնան իրար տարածքային ամբողջականութիւնն ու ինքնիշխանութիւնը:

Հայաստան իր համաձայնութիւնը յայտնեց՝ խրախուսելու Եւրամիութեան քաղաքացիական առաքելութիւնը Ատրպէյճանի հետ սահմանին երկայնքով: Ատրպէյճան համաձայնեցաւ համագործակցելու նշեալ առաքելութեան հետ այնքանով, որքանով որ առնչութիւն կ՛ունենայ:

Առաքելութիւնը իր աշխատանքները կը սկսի Հոկտեմբերին, առաւելագոյնը երկու ամիս ժամկէտով: Առաքելութեան նպատակը կ՛ըլլայ վստահության կառուցումը, եւ իր զեկոյցներուն միջոցով, սահմանային յանձնաժողովներուն աջակցիլը»: Կը տեղեկացնէ Հայաստանի կառավարութիւնը։

Փրակի մէջ տեղի ունեցաւ Հայաստանի վարչապետ Նիկոլ Փաշինեանի եւ Թուրքիոյ նախագահ Ռեճէփ Թայիփ Էրտողանի հանդիպումը: Հայաստան-Թուրքիա կարգաւորման պարունակին մէջ երկուստէք կարեւոր նկատած են ուղիղ շփումներն ու բարձր մակարդակի հանդիպումները:

Back to top button