Խաղաղությունը չի կարելի ուժով պարտադրել, թվիթերում գրել է Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարը՝ մեկնաբանելով հայ-ադրբեջանական սահմանին տեղի ունեցած նոր միջադեպը:
«Այսօր կրկին ահազանգեր են ստացվել երեք սպանված զինվորների և մեկ վիրավորի մասին։ Այս և շատ այլ անիմաստ զոհերը սնուցում են ատելությունն ու անկայունությունը։ Անվտանգությունը, հիրավի, հնարավոր է միայն այն դեպքում, եթե պահպանվում են սահմանները, և զորքերը չեն բախվում միմյանց մոտ հեռավորությունից. խաղաղությունը չի կարելի ուժով պարտադրել», — նշել է Կլաարը:
Today there were again reports of three 🇦🇲 soldiers killed and one 🇦🇿 wounded. These and many other senseless victims feed hate and instability. Security is only truly possible if borders are respected and troops don’t face each other at close distances. Peace cannot be forced.
— Toivo Klaar (@ToivoKlaar) September 28, 2022
Սեպտեմբերի 28-ին Ադրբեջանի ԶՈւ-ն խախտելով հրադադարի ռեժիմը՝ ականանետերից և խոշոր տրամաչափի հրաձգային զինատեսակներից, կրակ է բացել սահմանի արևելյան ուղղությամբ, ինչի հետևանքով հայկական կողմից զոհվել է երեք մարդ: