ԿարևորՌադիոլուր

Արեւմտահայերէն լուրեր Սեպտեմբեր 28. 2022

Սպիտակ Տան մէջ Ամերիկայի նախագահ Ճօ Պայտընի Ազգային անվտանգութեան հարցերով խորհրդական Ճէյք Սըլիվընի նախաձեռնութեամբ տեղի ունեցաւ Հայաստանի Անվտանգութեան Խորհուրդի քարտուղար Արմէն Գրիգորեանի եւ Ատրպէյճանի նախագահի օգնական Հիքմէթ Հաճիեւի հանդիպումը, կը յայտնեն Հայաստանի Անվտանգութեան խորհուրդի գրասենեակէն։ Կողմերը քննարկած են Լեռնային Ղարաբաղի հիմնախնիդրի երկարաժամկէտ խաղաղ կարգաւորման գործընթացը, ինչպէս նաեւ տարածաշրջանին մէջ խաղաղութեան հաստատման անհրաժեշտութիւնը։ Կարեւոր նկատուած է է վերջին յարձակումի հետեւանքներու վերացումը:

Ֆրանսայի Պաշտպանութեան նախարար Սեպաստիան Լեկորնուն ընդունեց Հայաստանի Պաշտպանութեան նախարար Սուրէն Պապիկեանը: «Քննարկած ենք իրավիճակը Ատրպէյճանի հետ սահմանին: Ռազմական գործողութիւնները պէտք է կասեցուին, իսկ ատրպէյճանական ուժերը պէտք է վերադառնան իրենց նախնական դիրքեր»,- գրած է Պաշտպանության նախարարը: Լեկորնուն յայտնեց , որ Ֆրանսական պատուիրակութիւն կը ղրկուի Հայաստան` իրավիճակը գնահատելու համար:

Ամերիկայի ծերակոյտի արտաքին հարաբերություններու յանձնաժողովի նախագահ Ռոպերթ Մենենտէս, Մարքօ Ռուպիոյին հետ միասին ներկայացուցած են երկկուսակցական համատեղ բանաձեւ մը, դադրեցնելու անվտանգային աջակցութիւնը Ալիեւի վարչակարգին եւ դատապարտելու Պաքուի անօրինական եւ չհրահրուած յարձակումը Հայաստանի ինքնիշխան տարածքին վրայ, կը յայտնէ Ամերիկայի հայկական համագումարը ։

Back to top button