ԿարևորՌադիոլուր

Արեւմտահայերէն լուրեր Սեպտեմբեր 27. 2022

Այսօր 44-օրեայ պատերազմի 2 րդ տարելիցն է։ 27 Սեպտեմբեր 2020-ին առաւօտեան կանուխ Ատրպէյճան նախաձեռնեց ծրագրուած հարձակումը Արցախի վրայ: Մարտական գործողութիւնները կ՛ընթանար արցախ-ատրպէյճան շփման գիծի ամբողջ երկայնքով, ինչպէս նաեւ հայ-ատրպէյճան շփման գիծի որոշ հատուածներուն վրայ։ 44-օր անց՝ 10 Նոյեմբերին, Ռուսաստանի անմիջական միջնորդութեամբ կնքուեցաւ խաղաղութեան պայմանագիր, ըստ որուն Արցախի հանրապետութեան տարածքի մեծ մասը անցաւ Ատրպէյճանի վերահսկողութեան տակ:

«Այսօր, ներկայիս դժուարին ու փորձութիւններով լեցուն ժամանակաշրջանին , մեր բոլորիս պարտքն է արժանւոյնս գնահատել մեր նահատակներու զոհաբերութիւնը եւ գիտակցիլ, որ անոնք ինկան յանուն կեանքի, յանուն մեր ժողովուրդի ապրելու աներկբայ իրաւունքին եւ յանուն խաղաղութեան, որուն համար մենք կը պայքարինք նաեւ հիմա»,-ըսուած է Հայաստանի նախագահ՝ Վահագն Խաչատուրեանի ուղերձին մէջ:

Հայաստանի վարչապետ Նիկոլ Փաշինեան երէկ երեկոյեան Էլիզէի պալատին մէջ հանդիպում ունեցաւ Ֆրանսայի նախագահ Էմանուէլ Մաքրոնին հետ: Բանակցութիւններէն առաջ ղեկավարները հանդէս եկան համատեղ յայտարարութիւններով:

Back to top button