ԿարևորՀասարակություն
Որքան արագ խուճապը տարածվեց, այնքան արագ էլ մարեց․ ՏՏ փորձագետը մեդիագրագիտության առաջընթաց է տեսնում
44-օրյա պատերազմից հետո տեղեկատվական պատերազմներին դիմակայելու առումով հասակարության շրջանում առաջընթաց ունենք՝ «Ռադիոլուրի» հետ զրույցում ասել է մեդիափորձագետ Արթուր Պապյանը։ Սոցցանցային տիրույթում կասկածելի աղբյուրներից կասկածելի նպատակներով տարածվող տեղեկություններին մարդիկ ավելի զգույշ են վերաբերվում, քան նախկինում ՝ նշել է մասնագետը, բայց նաև նկատել, որ մարտահրավերներ, ոլորտում, այնուամենայնիվ կան։
Տեղեկատվական անվտանգության խնդիրները Արթուր Պապյանի հետ քննարկել ենք նախօրեին ԱՄՆ և Ֆրանսիայի դեսպանությունների տարածած հայտարարությունների, դրանց հաջորդած ապատեղեկատվական հոսքերի օրինակով։ Որքան արագ այդ տեղեկությունները տարածում գտան և խուճապ ստեղծեցին, նույնքան արագ էլ մարեցին՝ ասել է մասնագետը։