Կոտորածների ժամանակ սպանում էին հատկապես տղամարդկանց․ «Հայկական հարց»

Համիդյան կոտորածների ընթացքում Սեբաստիայի նահանգում հազարավոր հայեր զոհվեցին։ Կոտորում էին մասնավորապես հայ տղամարդկանց։

Դիարբեքիր քաղաքում եռօրյա ջարդերին թուրք ու քուրդ ջարդարարների հետ մասնակցում էր նաև զորքը։

Բալու գավառակում սպանեցին 2000-ից ավել հայի և թալանեցին նրանց տներն ու խանութները։ Այրեցին շրջակայքի հայկական 41 գյուղերը, նավթ լցրեցին հավաքված հացահատիկի վրա, ալյուրին էլ կեղտ խառնեցին, որ ողջ մնացած հայությունը մահանար սովից և համաճարակներից։

Սևերեկում սպանեցին բոլոր հայ տղամարդկանց, իսկ կանանց ու երեխաներին բռնությամբ կրոնափոխեցին, ավերեցին եկեղեցիները։ Արմաղա-Մադեն գավառի Ջերմուկ բնակավայրում սպանեցին գրեթե յուրաքանչյուր տնից մեկ հայ տղամարդու։

Թեմային է անդրադառնում ԳԱԱ պատմության ինստիտուտի Հայկական հարցի և Հայոց ցեղասպանության պատմության բաժնի ավագ գիտաշխատող, պատմական գիտությունների թեկնածու Արփինե Բաբլումյանը։ «Ազգային և կրոնական քաղաքականությունն Արևմտյան Հայաստանում»՝ մաս 6-րդ: