ԿարևորՌադիոլուր

Արեւմտահայերէն լուրեր Սեպտեմբեր 19. 2022

19 Սեպտեմբերի առաւօտեան՝ հայ-ատրպէյճան սահմանին իրադրութեան փոփոխութիւն չէ արձանագրուած , կը յայտնեն Հայաստանի Պաշտպանութեան նախարարութենէն ։ Հայաստանի եւ Ռուսաստանի միջեւ միջտարածաշրջանային համագործակցութիւնը կարեւոր դեր ունի դաշնակցային ռազմավարական գործընկերութեան զարգացման գործին մէջ. վարչապետ Նիկոլ Փաշինեան ուղերձ յղեց հայ-ռուսական միջտարածաշրջանային 9-րդ համաժողովի մասնակիցներուն ։

Հայաստանի Արտաքին գործոց նախարար Արարատ Միրզոյեան 19 Սեպտեմբերին Նիւ Եորքի մէջ կը մասնակցի ՄԱԿ-ի Գլխաւոր վեհաժողովի 77-րդ նստաշրջանի բարձրաստիճան հատուածին, կը յայտնեն Հայաստանի Արտաքին գործոց նախարարութենէն։

Ազգային Ժողովի նախագահ Ալէն Սիմոնեան ճանապարհեց Ամերիկայի Քոնկրեսի Ներկայացուցիչներու պալատի խօսնակ Նէնսի Փելոսին: Սեպտեմբեր 17-19 պաշտօնական այցով Երեւան ժամանած էր Ամերիկայի Քոնկրեսի Ներկայացուցիչներու պալատի խօսնակ Նէնսի Փելոսին:

Back to top button