ԿարևորՀասարակություն

Ռազմական դրություն դեռևս չի հայտարարվի․ վարչապետ

Ռազմական դրություն չի հայտարարվի, բայց կամավորները կկարողանան ներգրավվել հայրենիքի պաշտպանության գործում։

Այս մասին հայտնեց ՀՀ վարչապետ Նիկոլ Փաշինյանը կառավարության այսօրվա նիստում։

«Անվտանգության խորհրդի նիստում քննարկվել է ՀՀ ռազմական դրություն մտցնելու նպատակահարմարության հարցը և որոշել ենք, որ այս պահին դրա անհրաժեշտությունը չկա։ Իսկ բոլոր այն քաղաքացիները, որոնք ցանկանում են մասնակցել հայրենիքի պաշտպանության գործին, կամավորության հիմքով կարող են դիմել զինկոմիսարիատներ զինվորագրվել և ընդգրկվել ծառայության մեջ»,- հայտնել է Փաշինյանը։

Սեպտեմբերի 13-ին ժամը 00:05-ից Ադրբեջանի ԶՈՒ ստորաբաժանումները Գորիսի, Սոթքի և Ջերմուկի ուղղությամբ հրետանային միջոցներից, խոշոր տրամաչափի հրաձգային զինատեսակներից սկսել են ինտենսիվ կրակ վարել հայկական դիրքերի ուղղությամբ: Հակառակորդը կիրառում է նաև ԱԹՍ-ներ:

Ավելի ուշ Ադրբեջանը հրետանային միջոցներ է կիրառել նաև այլ ուղղություններով: Հայկական կողմի զոհերի թիվն այս պահի պաշտոնական տվյալներով 135 է: Վիրավորում ստացած 6 քաղաքացիական անձանցից 4-ը շարունակում են բուժումը հիվանդանոցներում: Հայաստանի անվտանգության խորհրդի քարտուղար Արմեն Գրիգորյանը սեպտեմբերի 14-ին հայտնել էր, որ միջազգային հանրության ներգրավվածության շնորհիվ հաջողվել է ձեռք բերել հրադադարի պայմանավորվածություն։

Back to top button