Ռադիոլուր

Արեւմտահայերէն լուրեր Սեպտեմբեր 14. 2022

Իրադրութիւնը հայ-ատրպէյճան սահմանին կը շարունակէ լարուած մնալ։ Մասնաւորապէս՝ Ջերմուկի ուղղութեամբ թշնամին կիրառած է հարուածային անօդաչու թռչող սարքեր։ Կը յայտնեն Հայաստանի Պաշտպանութեան նախարարութենէն։

Այսօր առաւօտեան թշնամին, կիրառելով հրետանային միջոցներ, ականանետեր եւ խոշոր տրամաչափի հրաձգային զինատեսակներ, կրկին սկսած է նախայարձակ գործողութիւններ, մասնաւորապէս, Վերին շորժայի եւ Ջերմուկի ուղղութիւններով։ Պաշտպանութեան նախարարութիւնը հերթական անգամ կը յորդորէ զերծ մնալ տեսանիւթեր հրապարակելէ մարտական գործողութիւններու գօտիէն:

Իրադրութիւնը գնահատելու համար Հաւաքական անվտանգութեան պայմանագիր կազմակերպութեան գլխաւոր քարտուղար Ստանիսլաւ Զաս պիտի գլխաւորէ կազմակերպութեան առաքելութիւնը Հայաստանի մէջ։

Հայաստան դիմած է Եւրոպական դատարան՝ պահանջելով միջանկեալ միջոցներ կիրառել ընդդէմ Ատրպէյճանի։ Ներկայացուած դիմումները կը վերաբերին Հայաստանի քաղաքացիական բնակավայրերու թիրախաւորման, քաղաքացիական բնակչութեան եւ ռազմագերիներու հիմնարար իրաւունքներու պաշտպանութեան:

Կարդացեք նաև
Close
Back to top button