Ռադիոլուր

Արեւմտահայերէն լուրեր Սեպտեմբեր 13. 2022

Հայաստանի տարածքով մենք չենք պատրաստուիր որեւէ մէկուն միջանցք տրամադրելու։ Այսօր՝ Ազգային ժողովին մէջ յայտարարեց վարչապետ Նիկոլ Փաշինեան :

«Պրիւքսէլի վերջին հանդիպումին պարզուեցաւ, որ Ատրպէյճան կը հրաժարի խաղաղութեան բանակցութիւններ վարել մեր ներկայացուցած սկզբունքներու հիման վրայ»,- ըսաւ վարչապետ Փաշինեան:
Ժամը 11:00-ի դրութեամբ, Վարչապետին խօսքով՝ մարտական գործողութիւնները նուազած են, բայց «մէկ-երկու ուղղութիւններով Ատրպէյճանի յարձակումները կը շարունակուին։ Հայկական կողմը այս պահու դրութեամբ ունի 49 զոհ։ «Մեր զինուորները, սպաները, մեր բանակը կը կռուին անձնուրացաբար, հերոսաբար»,- նշեց Վարչապետը։
Ռուսաստանի Արտաքին գործոց նախարարութիւնը յայտարարութիւն տարածեց ․Մենք սերտ կապի մեջ ենք Պաքուի եւ Երեւանի հետ։ Հայաստանի ղեկավարութենէն կոչ ունինք՝ առկայ երկկողմ պայմանագիրներուն համապատասխան եւ ՀԱՊԿ-ի միջոցով իրավիճակի կարգաւորման աջակցելու խնդրանքով։ Կ՛ակնկալենք, որ Ռուսաստանի միջնորդութեան արդիւնքով ձեռքբերուած պայմանաւորուածութիւնը ամբողջ ծաւալով ապահովուի սկսած Մոսկուայի ժամանակով 13 Սեպտեմբերի 9.00-էն։

Back to top button