ԿարևորՌադիոլուր

Արեւմտահայերէն լուրեր Սեպտեմբեր 12. 2022

Հայաստանի Պաշտպանութեան նախարարութեան մամլոյ ծառայութենէն կը յայտնեն, որ 11 Սեպտեմբերի երեկոյեան Հայաստանի Զինուած ուժերու ստորաբաժանումները հայ-ատրպէյճան սահմանի արեւելեան հատուածին տեղակայուած Ատրպէյճանի դիրքերուն ուղղութեամբ չեն կրակած: Իրադրութիւնը հայ-ատրպէյճան սահմանին յարաբերականօրէն կայուն է։

Վերջին շաբթուան ընթացքին Ատրպէյճանի Պաշտպանութեան նախարարութիւնը գրեթէ ամէն օր կեղծ յայտարարութիւններ կը տարածէ, -գրած է յատուկ յանձնարարութիւններով դեսպան Էտմոն Մարուքեան։ «Միջազգային հանրութեան բոլոր դերակատարները, ովքեր հետաքրքրուած են հայ֊ատրպէյճանական խաղաղութեան գործընթացով եւ Լեռնային Ղարաբաղի հակամարտութեան կարգաւորմամբ, պէտք է շատ ուշադիր հետեւին եւ յստակ գիտակցին, որ հերթական անգամ Ատրպէյճան սադրանքի նախապատրաստական գործընթաց սկսած է ։ Այս իրավիճակին մէջ միջազգային թիրախաւորուած արձագանգը կրնայ կանխել նախապատրաստուող այդ նոր սադրանքը»:

Սեպտեմբեր 19- 23 Արցախ պիտի ժամանեն սպանացի վիրաբոյժներու թիւով 40 հոգի բժշկական խումբը։ Կը տեղեկացնէ Արցախի Առողջապահութեան նախարարութիւնը։ Բժիշկները Արցախի բնակիչներուն՝ բարեգործական վիրահատութիւններ պիտի կատարեն:

Back to top button