Կղզիները գտնվում են Հորն հրվանդանից 100 կիլոմետր հեռավորության վրա։ Նրանք այնքան մեկուսացված են արտաքին աշխարհից, որ չկան բույսեր և ցամաքային կաթնասուն գիշատիչներ:
Նոր ուսումնասիրությունը ցույց է տվել, որ այս միջավայրում ապրում է ենթարտիկական ռայադիտոն (Aphrastura subantarctica): Թռչունը կշռում է ընդամենը 16 գրամ, ունի դեղին-սև փետուր։
Բացահայտումը զարմացրել է գիտնականներին, քանի որ Ռայադիտո ցեղի մյուս անդամներն ապրում են խիտ անտառներում (օրինակ՝ Պատագոնիայում) և բնադրում ծառերի վրա։ Հայտնաբերված տեսակներին հաջողվել է գոյատևել «բառացիորեն օվկիանոսի մեջտեղում»՝ ոչ միայն ծառերից, այլև թփերից զուրկ հողի վրա:
Հետազոտության ընթացքում գիտնականները կղզիներում բռնել են տասներեք առանձնյակ: Պարզվել է, որ նրանք մեկ քառորդով ավելի մեծ են, քան իրենց անտառային նմանակները, տարբերվում են ավելի երկար թաթերով և լայն կտուցով, իսկ պոչերն ավելի կարճ են։
Թռչունները քամուց թաքնվել են խոտերի մեջ և բազմացել այլ ծովային թռչունների լքած փոսերում։ Գիտնականները նշել են, որ նրանք թռել են միայն կարճ տարածություններ։ ԴՆԹ-ի վերլուծությունը ցույց է տվել, որ կղզու բնակչությունը չի խառնվում մայրցամաքի մյուս տեսակների հետ և բնութագրվում է ցածր գենետիկական բազմազանությամբ:
Մասնագետները նշել են, որ մեծ ուշադրություն պետք է դարձնել մոլորակի ամենահեռավոր վայրերում էկոհամակարգերի ուսումնասիրությանը։
