Ռադիոլուր

Արեւմտահայերէն լուրեր Սեպտեմբեր 8. 2022

8 Սեպտեմբերին՝ ժամը 02:30-ի սահմաններուն, Ատրպէյճանի Զինուած ուժերը տարբեր տրամաչափի հրաձգային զինատեսակներէ կրակած են հայ-ատրպէյճան սահմանի հարաւ-արեւելեան հատուածին տեղակայուած հայկական մարտական դիրքերու ուղղութեամբ:

Կը յայտնեն Պաշտպանութեան նախարարութենէն՝ նշելով, որ պատասխան գործողութիւններով կրցած են լռեցնել Ատրպէյճանի կրակը: Հայկական կողմէն կորուստներ չկան:
Կովկասեան հարցերով Ամերիկայի պետական քարտուղարի աւագ խորհրդական, ԵԱՀԿ Մինսքի խումբի համանախագահ Ֆիլիփ Ռիքըր Երեւան ժամանեց:

Ռիքըր պիտի հանդիպի Հայաստանի պաշտօնատար անձերուն հետ՝ քննարկելու Ամերիկայի աջակցութիւնը տեւական խաղաղութեան հասնելու համար։

Երուսաղէմի հայոց Պատրիարքը ընդունեց 44-օրեայ պատերազմին վիրաւորուած զինուորներու երկրորդ խումբը եւ Ազգային ժողովի պատգամաւոր Անդրանիկ Քոչարեանը, յայտնեց Երուսաղէմի հայոց պատրիարքարանի դիւանապետ Կորիւն վարդապետ Պաղտասարեան:

Կարդացեք նաև
Close
Back to top button