Ռադիոլուր

Արեւմտահայերէն լուրեր Սեպտեմբեր 7. 2022

Ռուսաստանի մէջ «Բազմաբեւեռ աշխարհի ճանապարհին» թեմայով Արեւելեան տնտեսական 7-րդ համաժողովը սկիզբ առաւ, որուն կը մասնակցի վարչապետ Նիկոլ Փաշինեան: Նիստը տեղի կ՛ունենայ Ռուսաստանի նախագահ Վլատիմիր Փութինի եւ այլ պետութիւններու ղեկավարներուն մասնակցութեամբ:

Նախատեսուած է նաեւ Փաշինեանի եւ Փութինի հանդիպումը:
ԵԱՀԿ Մինսքի խումբի նորանշանակ ամերիկացի համանախագահ, Կովկասի հարցերով բանակցութիւններուն՝ Ամերիկայի յատուկ ներկայացուցիչ, Ֆիլիփ Ռիքըր այս շաբաթ պիտի այցելէ Հայաստան, Վրաստան եւ Ատրպէյճան ։ Յայտարարեց Ամերիկայի Պետական քարտուղարութեան ղեկավարի տեղակալ՝ Վետանթ Փաթէլ։

Սա Ռիքըրի առաջին ճամբորդութիւնը պիտի ըլլայ Նոր պաշտօնը ստանձնելէն յետոյ։
Ատրպէյճանի Պաշտպանութեան նախարարութեան տարածած հաղորդագրութիւնը, թէ իբր 6 Սեպտեմբերի երեկոյեան Հայաստանի Զինուած ուժերու ստորաբաժանումները կրակ բացած են հայ-ատրպէյճան սահմանագօտիի արեւելեան հատուածին տեղակայուած ատրպէյճանի դիրքերու ուղղութեամբ` չի համապատասխաներ իրականութեան, կը յայտնէ Հայաստանի Պաշտպանութեան նախարարութիւնը՝ ընդգծելով. իրադրութիւնը սահմանին յարաբերականօրէն կայուն է եւ կը գտնուի Հայաստանի Զինուած ուժերու լիարժէք վերահսկողութեան ներքոյ:

Back to top button