Ռադիոլուր

Արեւմտահայերէն լուրեր Սեպտեմբեր 6. 2022

Սեպտեմբեր 6-ին աշխատանքային այցով Ռուսաստան կը մեկնի Հայաստանի վարչապետ Նիկոլ Փաշինեան, մասնակցելու՝ «Բազմաբեւեռ աշխարհի ճանապարհին» թեմայով Արեւելեան տնտեսական 7-րդ համաժողովի լիագումար նստաշրջանին, որը տեղի կ՛ունենայ Ռուսաստանի նախագահ Վլատիմիր Փութինի եւ այլ պետութիւններու ղեկավարներուն մասնակցութեամբ:

Նախատեսուած է նաեւ Փաշինեան-Փութին հանդիպում: Ռուսաստանի Դաշնութեան նախագահ Վլատիմիր Փութին պետական այցով Հայաստան պիտի ժամանէ: Այցի յստակ ժամկէտ չնշուիր: Արտաքին գործոց նախարարութեան պաշտօնական հաղորդագրութեան մէջ ըսուած է, որ Միրզոյեան եւ Լաւրով քննարկած են Ռուսաստանի Դաշնութեան նախագահին՝ Հայաստան նախատեսուած պետական այցի ու Երեւանի մէջ կայանալիք ՀԱՊԿ Հաւաքական անվտանգութեան խորհուրդի նստաշրջանի կազմակերպման ընթացքը։

«STARMUS» փառատօնի հիմնական նպատակները կը համընկնին Հայաստանի Հանրապետութեան ռազմավարական տեսլականին, որովհետեւ մենք շարունակաբար կը մեծցնենք գիտութեան աջակցութիւնը: 2022 թուականին պետական պիւտճէով գիտութեան նիւթական աջակցութիւնը աւելցած է մօտ 83 տոկոսով, լայնածաւալ բարեփոխումներ կ՛իրականացնենք կրթութեան ոլորտին մէջ: Մենք կ՛ուզենք, որ Հայաստանի մէջ աւելի ու աւելի շատ երիտասարդներ զբաղին գիտութեամբ եւ հետազոտութեամբ»,-ըսաւ վարչապետը Կարէն Տեմիրճեան անուան մարզահամերգային համալիրին մէջ, փառատօնի բացման պաշտոնական արարողութեան ժամանակ:

Back to top button