Ռադիոլուր

Արեւմտահայերէն լուրեր Սեպտեմբեր 5. 2022

Հայաստանի Արտաքին գործոց նախարար Արարատ Միրզոյեան աշխատանքային այցով Մեսկուա կը մեկնի, ուր պիտի հանդիպի Ռուսաստանի Դաշնութեան Արտաքին գործոց նախարար Սերկէյ Լաւրովին հետ։

Նախարարութենէն կը յայտնեն, որ հանդիպման ընթացքին պիտի քննարկուին տարածաշրջանային անվտանգութեան ու կայունութեան, ինչպէս նաեւ հայ-ռուսական դաշնակցային յարաբերութիւններուն վերաբերող հարցեր։

Ատրպէյճան կը շարունակէ ապատեղեկութիւններ տարածել, Հայաստանի Պաշտպանութեան նախարարութենէն կը յայտնեն, որ իրադրութիւնը սահմանին յարաբերականօրէն կայուն է, կը գտնուի Հայաստանի Զինուած ուժերու լիարժէք վերահսկողութեան ներքոյ:

Հայաստանի Պաշտպանութեան նախարար Սուրէն Պապիկեանի գլխաւորած պատուիրակութիւնը 5 Սեպտեմբերին աշխատանքային այցով Ամերիկա մեկնած է: Կը տեղեկացնէ Պաշտպանութեան նախարարութեան մամլոյ ծառայութիւնը։

Back to top button