Ռադիոլուր

Արեւմտահայերէն լուրեր Սեպտեմբեր 2. 2022

Արցախի Հանրապետութիւնը այսօր կը նշէ պետականութեան հռչակման 31-ամեակը: Հայկական երկրորդ պետութիւնը անկախութիւն հռչակեց 1991 թուականի 2 Սեպտեմբերին։ Անկախության հռչակագիրին յաջորդեցին 1991 թուականի 10 Դեկտեմբերին տեղի ունեցած հանրաքուէն, Արցախեան առաջին պատերազմը, քառօրեայ պատերազմը, 44-օրեայ պատերազմը։

Հայաստանի վարչապետ Նիկոլ Փաշինեան շնորհաւորական ուղերձ յղեց Արցախի Հանրապետութեան հռչակման 31-ամեակին առիթով:

«Միջազգային հանրութիւնը պարտաւոր է թոյլ չտալ Արցախի մէջ էթնիկ զտումներու քաղաքականութեան իրականացումը», ըսուած է վարչապետի ուղերձին մէջ։ Արցախի ժողովուրդը 31 տարի յետոյ ալ հաստատակամօրէն կը յայտարարէ, որ, ի հեճուկս ժամանակի բոլոր փորձութիւններուն, հաւատարիմ է իր ընդունած որոշման, հաւատարիմ է իր ընտրած ուղիին, ըսուած է Արցախի նախագահ Արայիկ Յարութիւնեանի ուղերձին մէջ։

Ան երրորդ նախագահ Բակօ Սահակեանի հետ միասին Արցախի Հանրապետութեան օրուան առիթով այցելեց Ստեփանակերտի յուշահամալիր եւ Զինուորական պանթէոն, ուր ծաղկեպսակներ ու ծաղիկներ զետեղեց Արցախի անկախութեան ու ազատութեան համար զոհուած ազատամարտիկներու շիրիմներուն:

Կարդացեք նաև
Close
Back to top button