ԿարևորՌադիոլուր

Արեւմտահայերէն լուրեր Սեպտեմբեր 1. 2022

Սեպտեմբեր 1 Գիտելիքի և դպրության օրն է։ Կառավարութեան նիստի սկիզբը Հայաստանի վարչապետ Նիկոլ Փաշինեան շնորհաւորեց, աշակերտները, ուսանողները, ուսուցիչները, դասախօսները Սեպտեմբեր 1-ի՝ Գիտելիքի եւ դպրութեան օրուան առիթով:

«Մինչեւ 2026 թուական Հայաստանի մէջ 300 դպրոց եւ 500 մանկապարտէզ կառուցելու, վերակառուցելու կամ հիմնանորոգելու մեր ծրագիրը, որը ամրագրուած է «Քաղաքացիական պայմանագիր» կուսակցութեան նախընտրական ծրագիրին մէջ, մեկնարկած է», ըսաւ վարչապետը։ Գիտելիքի եւ դպրութեան օրուան առիթիվ ուղերձ յղած է Արցախի Հանրապետութեան պետական նախարար Արտակ Բեգլարեան: Նախարարը համոզուած է, որ մեր ազգային միասնութեան ու յետագայ ձեռքբերումներու միակ ճանապարհը կիրթ ու զարգացած սերունդն է։

Սոյն թուականի՝ 31 Օգոստոսին, Պրիւքսէլի մէջ, Եւրամիութեան խորհուրդի նախագահ Շառլ Միշէլի միջնորդութեամբ տեղի ունեցաւ Հայաստանի վարչապետ Նիկոլ Փաշինեանի եւ Ատրպէյճանի նախագահ Իլհամ Ալիեւի հանդիպումը: Քննարկուած են գերիներու ազատ արձակման եւ անհետ կորսուածներու ճակատագիրի պարզաբանման, սահմանազատման եւ սահմանային անվտանգութեան, տարածաշրջանային ապաշրջափակման, Հայաստան-Ատրպէյճան յարաբերութիւններու կարգաւորման, Լեռնային Ղարաբաղի հիմնախնդիրին վերաբերող հարցեր:

Back to top button